O mesmo Espírito vai repartindo a cada un como a El lle parece - 1 Cor 12, 4-11

Domingo 2 do Tpo. Ordinario - ciclo C

CUESTIÓN DE AUGA 

E DE VIÑO

Dicía o poeta:

“Non triunfan na historia

os pobos submisos.

Augas represadas

non moven muíños.

Nunca serán libres

os pobos sufridos.

Con augas paradas

non roda o rodicio”.

E nós engadimos:

Xesús é unha forza

que move muíños,

furacán de vida

que embala os rodicios.

Xesús é unha festa,

Xesús é espírito

que empuxa, que arrastra:

Xesús é bo viño.

A nai de Xesús,

a doce María,

pedía para o pobo

o viño da vida.

Que fai xente libre,

que crea alegría,

que pon movemento

onde morte había.

Quen serve o bo viño

aquí en Galicia

na mesa servida

da festa da vida?