Un corpo, un Señor, unha fe, un bautismo - Ef 4, 1-6

Domingo 17 do Tpo. Ordinario - ciclo B

PARA AMAR E SERVIR A DEUS 

GRATUITAMENTE

Xesús, señor e mestre noso,

ti amaches e serviches a Deus gratuitamente,

e gratuitamente tamén

amaches e serviches sempre á xente.

Ti ensináchesnos coa túa vida

a ter unha confianza fonda e certa en Deus

sen manipulalo para nada.

Ti ensináchesnos tamén

a amara á xente sen distincións

e sen agardar premio ningún a cambio.

Que onda ti poidamos descubrir

a sabedoría de amar e servir

sen buscar recompensas,

como non sexa a recompensa

do gozo inmenso de sermos gratuítos coma ti.

Xesús, cada día, con cada persoa,

en cada situación da nosa xornada,

apréndenos a amar e servir.