19 jul. 2015

Congregarei o resto do meu rabaño e suscitarei pastores para eles-Xer 23, 1-6

Domingo 16 do Tpo. Ordinario - ciclo B


UNHA SOA PALABRA: 
OS OUTROS

Unha oración que ten só unha palabra: os outros.
 Non é xenerosidade; é esixencia de vida.
 Sen os outros estou morto,
 son un soño, unha sombra, son nada.
 Os outros son os que mellor me revelan
 a realidade que son.
Son eles o meu Deus e son eu mesmo.

 Entre os outros, Señor, están os que dormen,
 os que desesperan, os que teñen fame,
 os que son escravos.
 Para eles quero ser grito, esperanza, pan e liberdade.
 Están os que teñen sede de toda xustiza
 e fe en todo xesto humano.

 Quero estreitar a súa man para camiñar xunto a eles
 sen preguntarlles...
 Están na miña barca, soñan a mesma beira,
 aínda que non todos lle dean o mesmo nome;
 falan unha mesma lingua:
 a que quere liberar o ser humano
 de toda escravitude.


 Juan Arias


No hay comentarios:

Publicar un comentario