Son casa rebelde e han saber de certo que hai un profeta no medio deles - Ez 2, 2-5

Domingo 14 do Tpo. Ordinario - ciclo B

PASMADO 

DA SÚA INCREDULIDADE

Faille caso a Xesús,

meu compañeiro;

faille caso á palabra

do carpinteiro;

coma ti e coma min

foi un obreiro.

Na xente do teu pobo

hai moita ciencia;

moitos milagres diarios

de resistencia;

moitas cruces e bicos

en sementeira.

O fillo de María,

home sinxelo,

abriu camiños novos

para recorrermos

brazo con brazo xuntos

cos soños frescos.

Faille caso a Xesús,

amigo, irmán,

sente no corpo a forza

das súas mans,

no corazón o alento

do seu loitar.