19 jul. 2015

El é a nosa paz, quen dos dous fixo un-Ef 2, 13-18

Domingo 16 do Tpo. Ordinario - ciclo B


SER PAN

Pode ser bonito,
pero desde logo non é nada fácil facerse pan.

Significa que xa non podes vivir en ti,
senón para os outros.
Significa que xa non podes posuír nada,
nin cosas, nin tempo, nin liberdade, nin saúde:
todo o teu xa non é teu,
é de e para os outros.

Significa que has de estar enteiramente dispoñible,
a tempo completo.
xa non podes protestar, se te esixen moito,
se te molestan demasiado, se te chaman
a calquera hora e para calquera cousa.

Significa que tes que ter paciencia e mansedume,
coma o pan, que se deixa amasar, cocer e partir.
Significa que tes que ser humilde, coma o pan,
que non figura na lista dos pratos exquisitos;
estar aquí, sempre para acompañar.

Significa que tes que cultivar a tenrura e a bondade,
porque así é o pan, tenro e bo.
Significa que tes que vivir sempre no amor máis grande,
capaz de morrer por dar vida, coma o pan.

Déixate amasar polas contrariedades,
os traballos e os servizos a favor dos irmáns.
Déixate cocer polo fogo do amor e do Espírito.
Así poderás ofrecerte a todos os que teñan fame.


Luis López



No hay comentarios:

Publicar un comentario