Comeron todos e saciáronse - Mt 14, 13-21

                                     Domingo 18 de Ordinario - ciclo A

NOSO PAI DO REINO

Noso Pai, que estás no ceo e connosco,

ao noso lado.

Bendicímoste e pedimos que veña o teu Reino,

que podamos cumprir a túa vontade na terra,

como os anxos no ceo,

e que se cumpran os teus soños

de felicidade para os teus fillos.

Pedímosche pan, o noso, o de todos,

para que todos os homes e mulleres

de todos os pobos

poidan cubrir as súas necesidades,

e gozar da felicidade que ti regalas.

Estamos dispostos a tolerar e perdoar as nosas miserias,

como ti perdoas misericordiosamente as nosas.

Non nos deixes caer na tentación do desamor,

da insolidariedade, do egoísmo,

da indiferenza, do rancor.

e líbranos do mal, da fame, da pobreza,

da inxustiza ...

Así sexa, así queremos facelo coa túa axuda.

Amén.