13 jul. 2014

A semente caeu en boa terra e deu froito - Salmo 64

Domingo 15 de ordinario  - ciclo A



DEUS, PAI BO E 
MISERICORDIOSO

Deus Pai Bo e Misericordioso,
dámosche Grazas e bendicímoste
porque a túa Palabra enriquece a nosa vida
e porque Ti nos permites acollela
no interior do noso corazón,
a pesar dos problemas que xorden
no noso camiño de cada día.

Deus, noso Pai, bendícenos a diario
coa túa Presenza a través da túa Palabra.
Que a túa Palabra de Vida, noso Deus,
chegue ao nos corazón, o alimente
e o fortaleza cada día da nosa vida
para que dea froitos abondosos no medio do mundo.

Que a túa Palabra nos encha de ánimo e esperanza
para comunicala a cada un dos nosos irmáns
para que Ela chegue a todo o mundo,
e estea presente no interior de cada persoa.

Axúdanos Ti, Deus Pai Bo e Misericordioso,
a ser constantes na oración coa túa Palabra de Vida,
e a esperar con paciencia os froitos necesarios
que Ti, noso Deus, queiras regalarnos cada día.
Amén.



No hay comentarios:

Publicar un comentario