Buscade as cousas de alá enriba, onde está Cristo - Col 3, 1-5. 9-11

Domingo 18 do Tpo. Ordinario - ciclo C

QUE DIFÍCIL É NON COBRAR!

Que difícil é non cobrar!

Diñeiro,

postos,

recompensas,

agasallos,

encomios,

admiración...

Ás veces, comisións,

favores,

sobres...

E outras,

impostos,

taxas,

fotos para o recordo...

Cóbrase case sempre.

As primeiras veces

pasamos a factura con disimulo.

Despois, cando xa nos habemos avezado

e consolidado, que chega sen pensalo,

até nos vangloriamos diso.

E chega o despropósito:

os grandes emporios,

o ser exclusivos,

o prestixio,

a competencia,

o crernos donos de case todo...

O gratuíto non ten prestixio

e o pequeno non conta con futuro.

Comercializámolo todo...

Pero Ti, Xesús, nin cobrabas

nin acumulabas

nin eras avaricioso;

e avisaches do perigo.

Florentino Ulibarri