Collín a man dereita de Ciro para someter ante si os pobos - Is 45, 1. 4-6

Domingo 29 do Tpo. Ordinario - ciclo A

SER CRISTIÁNS E SER CIDADÁNS

Hoxe e sempre, gústenos ou non,

preguntar pola licitude dun imposto,

cando tempos diñeiro e patrimonio

e vivimos moi dignamente.

É querer defendernos fronte a outros

–sexan o césar ou a facenda pública,

os pobres da beirarrúa ou a propia conciencia- …

Aquel día mirándonos aos ollos dixeches

“ao César o que é do César e a Deus o que é de Deus”,

abriches unha brecha no horizonte:

proclamaches a soberanía de Deus Pai,

a autonomía da creación enteira,

a liberdade de conciencia das persoas,

a repulsa de toda ideoloxía política e relixiosa

e o uso de Deus para os nosos intereses.

Sabemos que non é evanxélico

chegar a Deus pola presión do poder que impera

nin defender o estado apelando á súa vontade.

Co proxecto de Deus non se xoga.

Non hai ninguén por grande que sexa,

dentro ou fóra da Igrexa,

que poida apropiarse do mesmo, ou facerse o seu guía,

apelando a poderes, leis e costumes ou á graza divina...

Por iso, Señor, ensínanos a ser cristiáns e cidadáns.

Ulibarri Fl.