A viña do Señor poderoso é a casa de Israel - Is 5, 1-7

Domingo 27 do Tpo.Ordinario - ciclo A


RESPONSABLES 
DA COMUNIDADE

Escoita a queixa e a petición que Deus che fai

Ti es responsable da comunidade,
el é responsable da comunidade,
todos sodes responsables da comunidade,
aínda que alguén vos coordine e anime a todos.

Eu amei e amo a comunidade,
enchina de favores e de oportunidades
para que dese bos froitos,
e a xente que vive nela fose feliz,
fondamente feliz.

Estou queixoso de vós.
Cantas veces chego á comunidade
e atopo amos interesados, con ansia de poder e mando
e non servidores fervorosos do pobo!
Cantas veces me achego aos vosos corazóns
e os vexo acedados, enfrontados, divididos!
Cantas veces peto ás portas do pobo
e se me nega o froito da irmandade!

Estou queixoso de vós,
dóeme a vosa preguiza, o voso desinterese,
as vosas loitas internas,
mentres o pobo sofre abandonado.

Doeríame ter que quitarvos o pobo das mans
e dárllelo a outros coidadores;
doeríame pensar en que foi van
todo o meu esforzo convosco.



Comentarios

Publicacións populares