Cando o malvado se arrede da súa impiedade, salvará a súa vida - Ez 18, 25-28

Domingo 26 do Tpo. Ordinario - ciclo A

BENAVENTURADOS

Feliz o home

curto en palabras,

pero que fai realidade

cada palabra pronunciada.

Felices os caciques

que aprenden o camiño da xustiza

e renegan do seu pasado

desmentindo todas as previsións.

Felices todos os inmorais

queridos e chamados por Deus

para ocupar os primeiros postos

no mundo novo que anda preparando.

Felices os curas e bispos

que non se fían da súa condición

e traballan polo Reino de Deus

recollendo o clamor polo xustiza.

Feliz a xente relixiosa

que esquece algo o camiño das igrexas

e aprende a practicar humildemente

a penosa tarefa da obediencia.

Felices todos os predicadores

que deixan de falar algún día

para escoitaren eles mesmos a noticia

do Deus da conversión, lume e caricia.

Feliz a xente do pobo

que non cre en verbas enganosas

e segue apoiando con fe firme

a xente de palabra

que entre nós nace e loita.