Convertéstesvos dos ídolos para servir a Deus e esperar o seu Fillo - 1 Tes 1, 5c-10

Domingo 30 de Ordinario - ciclo A

O “NOSO PAI” DOS POBRES

Irmáns nosos 

que estades no Primeiro Mundo: 

para que o seu nome non sexa blasfemado, 

para que veña a nós o seu Reino 

e se faga a súa vontade, 

non só no ceo, senón tamén na terra, 

Respectade o noso pan de cada día, 

renunciando, vós, á explotación diaria; 

non vos empeñedes en cobrarnos a débeda 

que nós non fixemos 

e que vos veñen pagando os nosos nenos, 

os nosos famentos, os nosos mortos; 

non caiades máis na tentación 

do lucro, do racismo, da guerra; 

nós miraremos de non caer 

na tentación do odio ou da submisión, 

e librémonos uns aos outros de calquera mal. 

Só así poderemos rezar xuntos a oración de familia. 

Que o irmán Xesús nos ensinou. Amén

Pedro Casaldáliga