Advento 4A. Entrará o Señor: EL é o rei da gloria - Salmo 23

Domingo 4 de Advento - ciclo A

VEN E SÁLVANOS

Ven e sálvanos …!

da nosa cegueira para descubrirte

presente nas nosas vidas

da nosa preguiza para camiñar contigo,

das nosas escusas para afastamos de ti.

Ven e sálvanos ...!

da nosa xordeira para escoitar a túa palabra

dos nosos desplantes

e malos xestos inxustificados cos demais

do noso gusto por todo o que é vida cómoda e fácil

sen pensar nos que non teñen pousada.

Ven e sálvanos …!

da nosa dureza de corazón

para comprender as túas mensaxes,

das nosas loitas por ocupar os primeiros postos

e por querer figurar máis que os demais,

da nosa desconfianza nos que nos rodean,

da nosa falta de fe no teu Reino que está no medio de nós.

Ven e sálvanos ...!

da nosa comodidade e preguiza para acoller a outros,

da nosa falta de comprensión cara aos outros,

do noso egoísmo disimulado,

do noso mal carácter moitas veces.

Ven e sálvanos ...!

da nosa superficialidade e falta de reflexión,

da nosa insensibilidade cara á dor e as traxedias,

da nosa perda de sentido nas cousas que facemos.

Ven e sálvanos ...!

deses pequenos deuses que nos fabricamos,

de tantos gastos e antollos innecesarios,

da rutina que nos aprisiona,

de pensar que somos os mellores,

das nosas miras pequenas e sen horizonte.

Ven e sálvanos ...!

de non ser acolledores cos demais,

de non aceptar a súa raza, a súa cor, a súa relixión,

de non valorar e comprender o seu mundo diferente ao meu

Ven e sálvanos ...!

Deus Salvador noso,

Deus amigo noso,

Deus anunciado por Xesús

Ven e sálvanos.