Elevouse á vista deles - Feit 1, 1-11

Ascensión do Señor - ciclo A

AO VENTO DO TEU ESPÍRITO

Ao vento do teu Espírito,

que animou e ordenou, desde o inicio,

a creación toda

e infundiu alento de vida

en todos os seres,

colocámonos, Señor.

Ao vento do teu Espírito,

que guiou aos teus profetas e mensaxeiros,

e a todo o teu pobo,

polos ambiguos camiños da historia,

aventurámonos, Señor.

Ao vento do teu Espírito,

que penetrou e remansou no corazón

e ventre de María de Nazaret,

facéndoa portadora de vida e esperanza,

vivimos, Señor.

Ao vento do teu Espírito,

que se apoderou de Xesús

e o encheu de forza e tenrura

para anunciar a Boa Nova aos pobres,

apostámonos, Señor.

Ao vento do teu Espírito,

que levou en Pentecoste os prexuízos e os medos,

e abriu de pao a pao as portas do cenáculo,

para que toda comunidade cristiá

fose sempre sensible ao mundo,

libre na súa palabra,

coherente no seu testemuño

e invencible na súa esperanza,

abrímonos, Señor.

Ao vento do teu Espírito,

que leva, hoxe, os novos medos da Igrexa,

que critica nela todo poder que non sexa servizo

e a purifica coa pobreza e o martirio,

reunímonos, Señor.

Ao vento do teu Espírito,

que sopra onde quere, libre e liberador,

vencedor da lei, do pecado, da morte,

e alma e alento do teu Reino,

obedecemos, Señor.

Florentino Ulibarri