Ascensión do Señor

27.5.17

Ascensión do Señor - ciclo A

Resultado de imaxes para ascenssion lord

PRIMEIRA Feit 1, 1-11

Elevouse á vista deles

PROCLAMACIÓN DA PALABRA RECOLLIDA NO LIBRO DOS FEITOS DOS APÓSTOLOS

1 1O primeiro libro fíxeno, Teófilo, acerca de todo o que Xesús obrou e ensinou desde o comezo, 2ata o día que foi levado ó ceo, logo de ter dado instruccións polo Espírito Santo ós apóstolos que escollera.

3Os mesmos que tamén se lles amosara vivo, con moitas probas despois da súa paixón, aparecéuselles durante corenta días e faláballes das cousas referentes ó Reino de Deus. 4E comendo con eles, encomendoulles que non se retirasen de Xerusalén, senón que agardasen a promesa do Pai que me escoitastes a min: 5porque Xoán bautizou con auga, mais a vós bautizarásevos co Espírito Santo, de aquí a poucos días.

6Os que estaban reunidos preguntábanlle:

-Señor, ¿é agora cando vas restablece-lo Reino de Israel?

7El respondeulles:

-Non vos acae a vós coñece-lo tempo ou a oportunidade que o Pai fixou co seu propio poder. 8Pero recibiréde-la forza do Espírito Santo, que virá sobre vós e seréde-las miñas testemuñas en Xerusalén, en toda a Xudea e Samaría e ata os confíns da terra.

9En dicindo isto, elevouse á vista deles e unha nube quitóullelo da súa vista. 10E estando eles fitando para o ceo mentres el marchaba, presentáronselles dous homes con vestidos brancos, 11que dixeron:

-Galileos, ¿que facedes ollando para o ceo? Este Xesús que vos foi levado de entre vós ó ceo, ha volver do mesmo xeito que o vistes ir.

SALMO RESP. Sal 46, 2-3. 6-7. 8-9

R/ (6): Deus sobe entre aclamacións,

o Señor, ó son de trompetas.

2Aplaudide, pobos todos,

aclamade a Deus con cancións.

3O Señor é excelso e terrible,

o grande rei de toda a terra.

6Deus sobe entre aclamacións,

o Señor, ó son de trompetas.

7Cantádelle a Deus, cantádelle,

cantádelle ó noso rei, cantádelle.

8Deus é o rei de toda a terra:

cantádelle con xeito.

9Deus reina sobre as nacións,

sentado no seu trono sagrado.

SEGUNDA Ef 1, 17-23

Sentouno á súa dereita no ceo

PROCLAMACIÓN DA PALABRA RECOLLIDA NA CARTA DE SAN PAULO APÓSTOLO ÓS EFESIOS

Irmáns e irmás:

O Deus do noso Señor Xesús Cristo, o Pai glorioso, vos conceda espírito de sabedoría e de revelación, para coñece-lo ben; 18que manteña iluminados os ollos da vosa alma, para que comprendáde-las esperanzas que abre a súa chamada, a riqueza que supón a súa gloriosa herdanza destinada ós crentes, 19e o extraordinario portento que é o seu poder verbo de nós, os que cremos, en consonancia co vigor da súa potencia e da súa forza, 20que exerceu con Cristo resucitándoo de entre os mortos e sentándoo á súa dereita nos ceos, 21por riba de toda soberanía, autoridade, forza e dominio, e por riba de todo título recoñecido neste mundo e tamén no vindeiro. 22Someteuno todo baixo os seus pés e deullo por riba de todo como cabeza á Igrexa, 23que é o seu corpo, a plenitude daquel que o enche todo en tódalas cousas.

ALELUIA Mt 28, 19a. 20b

Ide e ensinade a tódalas xente, di o Señor:

eu estou convosco tódolos días

ata a fin do mundo

CICLO A Mt 28, 16-20

Déuseme todo pode no ceo e mais na terra

PROCLAMACIÓN DO SANTO EVANXEO SEGUNDO MATEO

16Os once discípulos fóronse para Galilea ó monte onde Xesús os citara. 17E véndoo, postráronse ante el, anque algúns dubidaban. 18Xesús, achegándose, díxolles:

-Déuseme todo poder no ceo e mais na terra. 19Ide, pois, e facede discípulos meus a tódolos pobos, bautizándoos no nome do Pai e do Fillo e do Espírito Santo; 20ensinándolles a gardar canto vos mandei. Asegúrovos que eu estarei sempre convosco ata a fin do mundo.

CANTO GOZOSO