6 abr. 2014

Do Señor vén a misericordia e nel a redendión é cumprida - Salmo 129

Domingo 5 de Coresma - ciclo A


CHAMADOS PARA A VIDA

Lázaro ...
coma Lázaro hai moitos,
moitos mortos:
mozos mortos e vellos mortos;
mortos vivos e mortos mortos.

Hainos que descansan
na paz do seu sepulcro,
e hainos que cansan
no trasfego da vida.

Ti es un morto,
necesitado de vida,
e eu son un morto,
necesitado de vida.

Hai persoas mortas
e hai pobos mortos.
Hai persoas mortas
e hai grupos ou clases mortas.

Os labregos somos,
case sempre,
unha clase morta,
porque nos matan.

Diante de todos, Xesús,
amando de corazón,
estremecéndoselle o espírito,
conmovéndose profundamente,
chorando e berrando:
Lázaro, ven para fóra!

Quen lle axudará a Xesús
a apartar as pedras
que cobren as sepulturas?




No hay comentarios:

Publicar un comentario