ORACIÓN- SEMANA 3 DE ADVENTO

PORQUE NECESITABAMOS 

ESPERANZA

GRAZAS, ADVENTO, POR SER FONTE DE ESPERANZA!

Cando a perdemos, ti devólvesnola redobrada.

Cando nos elevamos demasiado,

fasnos valorar a pequenez de cada persoa.

Cando se pechan os camiños,

ti ábresnos outros tantos carreiros.

GRAZAS, ADVENTO, POR SER OASIS DE ESPERANZA!

Porque, cando alzamos cumes entre as persoas,

ti convídasnos á fraternidade

Porque, cando os corazóns se endurecen,

oportunamente pos ti a man da dozura.

Porque, cando xorden escollos e odios,

convidas a mirar o que en Deus nos une.

GRAZAS, ADVENTO, POR SER RÍO DE ESPERANZA!

Cando corren ventos de inimizade,

a proximidade de Xesús sempre ofrece unha man.

Cando baixan augas de tormenta,

a paz do ceo calma toda tempestade.

Cando se borra toda pegada do infinito,

a túa presenza fainos buscar e mirar cara á estrela.

GRAZAS, ADVENTO, POR SER CHAFARIZ DE ESPERANZA!

Se andamos perdidos, o Señor sae ao noso encontro

Se nos sentimos sós, Deus recoñecerá os nosos nomes.

Se nos atopamos sen horizontes,

o Señor empúxanos cara ao futuro.

Se non atopamos sentido ás cousas,

o Espírito ilumínanos con sabedoría.

GRAZAS, ADVENTO, POR SER CHAMADA Á ESPERANZA!

Xa pode estar o mundo desorientado,

que ti lle abrirás unha xanela con respostas.

Xa pode estar o home errante,

ti conduciraslle cara á meta desexada.

GRAZAS, ADVENTO! ESPERABÁMOSCHE!

Andamos escasos de esperanza e cheos de problemas.

Axúdanos a ser camiño polo que veña Xesús.

Axúdanos a vixiar o gran castelo do noso corazón.

Axúdanos para achandar e acondicionar camiños torcido.

Axúdanos para que, con María, recibamos ao Grande que será pequeno.

GRAZAS, ADVENTO!