A23. Oxalá escoitedes hoxe a voz do Señor! Non endurezades os vosos corazóns. - Salmo 94

Domingo 23 de Ordinario - ciclo A

PAI, NAI, ANTE TI REUNÍMONOS HOXE

Pai, Nai, ante Ti reunímonos hoxe,

porque cremos que Ti nos convocaches.

Presentámosche a ledicia e o esforzo

de seguir facendo comunidade;

agradecémosche que estas entre nós,

compartindo ao noso esforzo

por cambiar a vida cada día,

empuxando a nosa loita por construír Reino,

e animando a nosa busca de Ti.

Porque queremos ser anticipo

do teu proxecto para a humanidade,

pedímosche hoxe por todos nós,

pedímosche pola túa comunidade.

Que valoremos o don que nos deches,

que sexamos valentes e decididos;

que non falle por nós o teu empeño

de poñer zume novo no noso mundo.

Que ninguén entre nós esqueza o compañeiro.

Axúdanos a aceptarnos como Ti nos aceptas,

a respectarnos como Ti nos respectas,

a querernos libres e diferentes como ti nos queres,

a coidarnos como ti nos coidas;

a alentar o camiño ao outro

que xunto a nós, connosco,

fai día a día o seu camiño cara a Ti.

                            Florentino Ulibarri