Ou é que ti ves con mal ollo que eu sexa bo? - Mt 20, 1-16a

Domingo 25 de Ordinario - ciclo A

XORNALEIRO

Xornaleiro simplemente

no viñedo do Señor.

Xornaleiro cabo doutros

traballando con paixón.

Todos xuntos nun esforzo,

cada un co seu saber.

Un vén cedo e outro tarde,

todos temos que facer.

Esta terra é o viñedo

que plantou noso Señor.

Nesta terra todos somos

xornaleiros do amor.

Todos imos refacendo

a herdade recibida,

moldeando e moldeando

ata vela ben lucida.

O de menos os salarios:

pois que Deus non é avaro,

e ten sempre para dar

moito máis do que ten dado.

                                                                     Un caxato para o camiño

                                                                                            M. Regal