Youcat en galego

Ola a todos:

Durante moito tempo rondábame na cabeza que estaría pasando co Youcat en Galicia que non acababa de arrancar, cando despois de Pentecostés chamoume Benito Rodríguez, o Delegado de Pastoral Xuvenil da miña diócese de Tui-Vigo -e volvín recordar vellos tempos de cando estaba na Coordinadora Xuvenil Diocesana-, para animar un pouco a cousa, mirei no proxecto pastoral do ano 2012-2013 (http://www.diocesetuivigo.org/areapastoral/xuvenil.pdf) e vin que a cousa estaba pendente de se "había demanda", así que decidín poñer a cousa a funcionar e díxenlle que demanda había, pero que había que poñerse a traballar.

A cousa é que contactei coa editorial alemana que leva o Youcat e Benito cos bispos, contactamos tamén coa xente que pensamos que podía mover a cousa e quedamos para setembro para facer como nos din no evanxeo, "todo en común"; así que, se estades interesados, que saibades que calquera profe de reli, párroco, movemento, colexio, catequista, relixioso ou seglar que quixese participar será ben recibido porque queremos que sexan os propios xoves de toda Galicia e os seus animadores os que formen parte deste proxecto que iniciamos con tanta ilusión. Aparte do propio Youcat esperamos facer unha web que axude ós grupos a formar comunidades xuvenís parroquiais, cun pouquiño que aporte cada grupo, movemento, colexio, parroquia... imaxinade o que podiamos facer xuntos!!

A reunión dos bispos estaba prevista para o Día do Apóstolo... e xa sabedes o que pasou, así que aínda estamos pendentes de ver como vai a cousa, e, a maiores, o noso bispo cambiou este mes o Delegado Xuvenil...

En fin, agradecería as vosas oracións para que todo siga adiante como pensamos e tamén que vos apuntedes ou que animedes a outros a facelo. Persoalmente faime moita ilusión e todos cos que falei están moi animados, seriamos a lingua nº35 do Youcat (pode que tardasemos de máis, non credes?)...

Ánimo!! Seguimos na loita!!

P.D. Déixovos co vídeo que arranxei como puiden, tendo en conta que son "inútil dixital"...