Feliz o pobo que o Señor escolleu como herdade - Salmo 32

Domingo 19 de Ordinario - ciclo C

DESEXOS DE IRMANDADE

Quen me dese, Pai,

un corazón de pobre

para agradecer cada día o teu Reino!

Quen me dese

liberdade abonda para compartir

e así crear cada día a irmandade!

Quen me dese tamén

estar sempre alerta e disposto

para non perder ningunha oportunidade

de medrar e axudar a medrar cara ó Reino!

Quen me dese, Pai,

quen me dese poder gozar cada día

do servizo amoroso do teu pan

na mesa santa da xustiza realizada!

Quen me dese

estar sempre preparado

para abrirche cando chegues,

e entres e o renoves todo!

¡Quen me dese, Pai,

ser serio comigo mesmo e cos demais

para que nada se perda min se estrague

e todos poidan celebrarte

coma Pai bo que mimas os teus pobres!