O Señor é o noso agarimo ao longo das xeracións - Salmo 89

Domingo 18 de Ordinario - ciclo C

LOANZAS NO VERÁN

Que bonita a nosa Terra

chea de froitos e flores!

Que fermosos son os brazos

que a traballan con suores!

Que bonito recoller

o froito que sementamos!

Que fermoso compartir

o que xuntos traballamos!

No ceo temas un Pai

moi celoso de que a vida

chegue para todos igual

sen que haxa xente perdida.

Xesús é o noso irmán,

bo compañeiro e amigo,

co seu Espírito alenta

o nasa andar paseniño.

Polo traballo que facemos,

e os froitos que recollemos.

DAMOSCHE GRAZAS, SEÑOR.

Pola axuda que nos dan

e a que damos coa nosa man.

Polas palabras de alento,

polas horas de contento.

Polos veciños de a diario,

polos visitantes extraordinarios

Por Galicia, a nosa Terra,

pola xente que vive nela.

Por ti mesmo, bo Señor,

de todos nós valedor.

DAMOSCHE GRAZAS, SEÑOR.