19 may. 2013

Como me mandou a min o Pai, así vos mando eu a vós: recibide o Espírito Santo - Xn 20, 19-23

Pentecoste - ciclo C


ÁBRELLE A PORTA AO ESPÍRITO

Chegou O Espírito!
Non o sentes?
Non oes como peta á túa porta?
Ábrelle e alédate con el.
Ábrelle,
e deixa que revolva a túa casa toda.

Están as causas demasiado fixas,
demasiado ordenadas,
Pouco a pouco, case sen querelo,
fuches pechando todas as ventás;
todo está balorento e cheira a pechado,
Están as causas demasiado tranquilas,
demasiado mortas
na túa parroquia, na túa xente.

Non pensas en nada novo e diferente.
Estás canso.
Estás demasiado convencido
de que todo ha ser como é,
aínda que todo estea e vaia mal.

Ábrelle a porta ao Espírito!
Faiche falla!
Ábrella, e verás!

Están as casas moi tristes
nesta terra de mazurcas,
de xílgaros e camelias.

Ábrelle a porta ao Espírito!
E faraste construtor
da terra nova e os ceos novas .
que Deus regala a quen loita.

No hay comentarios:

Publicar un comentario