7 jun. 2015

Este é o sangue da alianza que o Señor fai convosco - Ex 24, 3-8

Corpus Christi - ciclo B


DIVINA EUCARISTÍA

Oh divina Eucaristía,
cea pascual do Señor,
que o fai noso por amor,
nos altares, cada día.

Peñor de vida e de gloria,
graza de Deus repartida,
graza á que Deus nos convida
nesa sagrada memoria.

Pan do ceo para a Igrexa,
pan dos anxos para os homes:
máis o desexas se o comes,
máis come quen máis desexa .

Un cáliz para unha entrega:
Sangue de Alianza selada
entre o Amado e a Amada
do amor na mística adega.

Sacro festín dos cristiáns,
mesa divina, á que sentan
os que de Deus se sustentan
para amarse e ser irmáns.

Gloria a Cristo, bo Pastor,
que nos coñece e nos guía,
e na santa Eucaristía
nos apacenta de amor. Amén.
                      
    (Himno do Corpus)




No hay comentarios:

Publicar un comentario