Enxalzou a árbore humilde-Ez 17, 22-24

Domingo 11 Tpo. Ordinario - ciclo B

PARA APRENDER A TER CONFANZA

Quixer ter máis fe en ti, meu Deus,

moita máis da que hoxe teño.

Quixer vivir a vida toda

coa conciencia certa de que estás ao meu lado.

Quixer sentirte en min tan insistentemente

que non me quitase a paz nada do que pasa;

nin o que pasa dentro de min mesmo,

nin o que pasa dentro desta sociedade que tanto amo,

porque é a miña sociedade.

Non quero ser alleo ás miñas penalidades,

pero nelas gustaríame ter confianza;

non quero ser alleo a nada do que pasa no mundo,

en todo o que pasa, en todo,

gustaríame abundar en esperanza.

Que medre a miña fe en ti, meu Deus!

Que medre cada día máis!

E despois dun traballo serio e fondo,

que saiba confiar as medras do traballado

nas túas mans coidadoras,

afeitas de vello a termar e a aloumiñar, 

a empuxar e a agradecer.

E que cada noite saiba durmir confiado

sabendo que hai quen vela para que nada bo se perda.