Nadal 2A. O verbo fíxose carne e habitou entre nós - Xn 1, 1-18 / Salmo 147

Domingo 2 de Nadal - ciclo A

GLORIA A DEUS NO CEO

Gloria a Deus no ceo

e na terra paz ós homes

que gozan do seu amor!        

Cantámoslle cos anxos, cos pastores,

cantamos con María e con Xosé,

a gloria e a paz que nace en Belén.

Cantámoslle cos pobres, cos pequenos,

a quen Deus lles  procura tanto ben,

a gloria e a paz que nace en Belén.

Cantámoslle ó Deus que nos visita,

que amosa na humildade o seu poder,

a gloria e a paz que nace en Belén.

Cantámoslle no nome do oprimido,

que agarda ter respiro e ter lecer,

a gloria e a paz que nace en Belén.

Cantámoslle a Xesús, pobre, encarnado,

que veu ó pobre darlle un amencer,

a gloria e a paz que nace en Belén.