Encontraron a María e a Xosé e o Neno. E despois de oito días puxéronlle de nome Xesús - Lc 2, 16-21

Santa María, Nai de Deus - 1 de xaneiro

 SANTA MARÍA, NAI DE DEUS

Santa María,

nai na fe,

nai no amor,

nai na esperanza,

nai na contemplación de Deus

e das súas marabillas na xente.

Compartes connosco

a túa sabedoría humilde

e os teus sentimentos apaixonados

para que tamén nós poidamos conservar

as cousas se Deus no noso corazón.

Compartes o teu mirar cálido e fondo

para admirar contigo en Belén

o Fillo de Deus encarnado

para descubrir a presenza de Deus

nas cousas e vidas dos máis marxinados.

Dásnos da forza do teu corazón

para amar o que vemos,

para adorar o que sentimos,

para servir o que admiramos.

Dános o sentido do pobre,

para adiviñar neles

os espazos de conversión e de esperanza

con que Deus os regalou.

Santa María,

nai de Xesús e nai nosa,

discípula adiantada na escola do teu fillo,

ti ensínasnos a contemplar a Xesús

presente en cada un de nós;

ti ensínasnos a contemplar a Xesús

presente no noso mundo,

e facer de Xesús en nós e no mundo

unha forza de xustiza fraternal e pacificadora.

­Santa María, nai de Deus

e nai nosa, nai da Igrexa.