Veo o Fillo do Home buscar e salvar o que estaba perdido - Lc 19, 1-10

Domingo 31 Ordinario - ciclo C

PARA SALVAR 

O QUE ESTABA PERDIDO

Hai dúas maneiras de ver a xente:

con ollos de acusador

e con ollas de curador.

Os ollos do acusador

non ven máis có pecado,

e no pecado razón de desprezo.

Os ollos do acusador son ollos cegos,

e aborrécense cando alguén

pretende ver en cada persoa

algo máis grande có seu pecado.

Os ollas do acusador murmuran,

critican se te abaixas ó pecado.

Os ollos do acusador

son ollos sen esperanza,

son ollos duros,

son ollas de condenación.

Xesús non ten ollos de acusador.

Os ollos do curador son fondos e finos

para ver e distinguir

os pequeniños detalles que falan de esperanza.

Os ollos do curador

senten fondo agarimo cara ao pecador,

e alédanse cando alguén

lles estende a man e o corazón.

Os ollos do curador

confían en que a xente

é máis grande e boa

có pecado que a envolve.

Xesús ten ollos de curador con todos nós.

Na comunidade todos debemos ter

ollos de curador uns cos outros,

para buscar e salvar

todo o que entre nós estea perdido.