Coa vosa perseveranza, salvaredes as vosas vidas - Lc 21, 5-19

Domingo 33 de Ordinario - ciclo C

CRER DE CORAZÓN E DE PALABRA

Crer de corazón e de palabra.

Crer coa cabeza e coas mans

Negar que a dor teña a última palabra.

Arriscarnos a pensar que

non estamos definitivamente solos.

Saltar ao baleiro en vida, de por vida,

e afrontar cada xornada sabendo

que Ti camiñas connosco.

Avanzar a través da dúbida.

Atesourar, sen mérito nin garantía,

algunha certeza fráxil.

Sorrir na hora escura coa risa máis lúcida

que poidamos imaxinar.

Porque o Amor fala ao seu modo,

bendicindo os malditos, acariñando intocables

e descravando das cruces os benaventurados.