Deus non é Deus de mortos, senón de vivos - Lc 20, 27-38

Domingo 32 de ordinario -ciclo C

DEUS NON É DEUS DE MORTOS

Deus, ti tes paixón pola vida,

enchede de mimo e coidado

todo o que alenta.

Pousas os teus ollos

neste mundo noso,

e condenas todos os intentos

de afogar a vida.

Ti non es amigo

dos que botan morte nuclear

nos mares e na terra.

 Ti non es amigo

dos que sementan

pánico e odio no mundo.

Ti non es amigo

dos que deixan tras de si

rastros de sangue e morte.

Ti non es amigo

dos que abusan da natureza

-calada e impotente-,

dos que abusan dos débiles

-calados tamén e impotentes-,

como son as grandes multinacionais,

os grandes poderes económicos,

os grandes poderes militares,

os grandes poderes relixiosos.

A ti non che reina

o malgasto de cartas e de sexo,

o malgasto de tempo e de ilusión,

mentres hai tantos famentos,

tantos necesitados de cariño,

tantas causas que precisan

dedicación e empeño.

Deus, ti amas a vida:

Ti prometes a vida

máis aló da mesma morte.

En ti todo reencontra vida.

Porque ti non es un Deus de mortos.