Cunha única ofrenda deixou para sempre perfectos os que el santifica - Heb 10, 11-14. 18

Domingo 33 do Tpo. Ordinario - ciclo B

AS SOMBRAS ESCURAS FOXEN

As sombras escuras foxen,

xa vai pasando a noite;

e o sol coa súa luz de lume,

disipa os nosos temores.

Xa se apagan as estrelas

e xa se acenderon soles;

o orballo cae dos ceos

no dondo cáliz das flores.

As criaturas van vestindo

as galas e as súas cores,

porque ao nacer novo día

avivan os seus amores.

Luceiro, Cristo, da alba,

que paces entre esplendores,

apacenta as nosas vidas

xa sen sombras e sen noites!

Fermoso Cristo, o Cordeiro,

entre outeiros e montes! Amén.

                                   Himno de Laudes