Coresma 4A. O Señor é o meu pastor, nada me falta - Salmo 22

Domingo 4 de Coresma - ciclo A

Hoxe Deus te convoca.

Hoxe Deus sae ao teu paso.

Hoxe Deus te suxire, con rumoreo de invitación:

Volve a min. Estou a esperarte.

Rasga o teu corazón e purifícalo de todo o que o aparta de min.

Pregúntate: Quen é o teu deus? A quen ou a que adoras?

Hoxe Deus che di:

Este é o tempo oportuno.

Esta é unha nova oportunidade.

Este é un día de salvación.

En nome de Deus: Déixaste reconciliar con Deus?.

Hoxe Deus che di:

Non vivas de aparencias.

Traballa en segredo o teu corazón ata facelo semellante a Deus.

Entra no segredo da túa vida. Atrévete.

Deus está no escondido, no teu dentro máis íntimo.

Entra alí, no teu dentro.

Atravesa a superficialidade que che rodea.

Entra no teu dentro e ora.

Deus escoita a túa secreta oración.

Deus ten ganas de intimar contigo.

Deus está a esperarte.

Hoxe Deus espera:

Facerte novo.

Alegrar a túa vida.