Manancial de auga que salta ata a vida eterna - Xn 4, 5-42

Domingo 3 de Coresma - ciclo A

Á HORA SEXTA

Estaba alí, en Sicar, Xesús sentado,

á hora sexta;

canso do camiño sentía

á hora sexta;

o cansazo do mundo acumulado,

á hora sexta.

Estaba alí sediento, xunto ao pozo,

á hora sexta;

e achégase sedienta a muller,

á hora sexta.

Toda a sede do mundo repártense,

á hora sexta.

É a hora do cansazo e do desexo,

é a hora da loita e a agonía,

é a hora de promesas e esperanzas,

na sede de Cristo.

E pediu o sediento á sedienta,

á hora sexta.

E ofreceu auga o sediento á sedienta,

á hora sexta.

Toda a sede saciada para sempre,

á hora sexta.

Esgotado na cruz estaba alzado,

á hora sexta;

gritou forte a súa sede a todo o mundo,

á hora sexta;

ríos deixou escapar o seu corazón,

á hora sexta.

É hora de agonía e de dores,

é a hora da sede e amor supremo,

a gran hora en que Deus se nos entrega

na auga de Cristo.

CARITAS

RIOS DO CORAZON

CORESMA E PASCUA 1993