Deus chámanos e ilumínanos - 2 Tim 8b-10

Domingo 2 de Coresma - ciclo A


O TEU ROSTRO BUSCAREI, SEÑOR

O TEU ROSTRO BUSCAREI, SEÑOR,
NON ME ESCONDAS O TEU ROSTRO.
Se me escondes o teu rostro, Señor,
a miña vida perde o seu sentido 
e todo para min tórnase baleiro e opaco.
Se me escondes o teu rostro, Señor,
como descubrirei o estímulo da túa graza que me permita
ser voz que pregoa a túa poder,
berro que canta as túas fazañas,
murmuro que encomia a túa grandeza e a túa santidade?
Se me escondes o teu rostro, Señor,
non saberei onde mirar:
os meus irmáns pareceranme só seres humanos 
e non fillos de Deus,
a vida será para min un camiño de bágoas
e non o val da alegría e da esperanza,
as miñas accións contaranse como erros e desencantos
e non como oportunidades para demostrar 
que ti o es todo para min.
Por iso quero saír da miña casa
para atoparme contigo no deserto cuaresmal.

O TEU ROSTRO BUSCAREI, SEÑOR,
NON ME ESCONDAS O TEU ROSTRO.
O teu rostro buscarei, Señor,
aínda que estea desfigurado:
escondido no rostro dos nenos,
oculto na face dos anciáns,
manchado na mirada dos oprimidos.
O teu rostro buscarei, Señor,
nos montes do Tabor e do Calvario,
na oración escondida e na cruz trasfigurada
escoitando o teu silencio e esperando a túa palabra.
O teu rostro buscarei, Señor,
para descubrirche na montaña da miña existencia,
e poder gritar con alegría: "Que ben se está aquí!",
Por iso quero saír da miña casa
para atoparme contigo no deserto cuaresmal.

O TEU ROSTRO BUSCAREI, SEÑOR,
NON ME ESCONDAS O TEU ROSTRO.



Isidro Lozano



Comentarios

Publicacións populares