Velaquí, volvémonos aos xentís - Feit 13, 14. 43-52

Domingo 4 de Pascua - ciclo C

XESÚS, DESEXO ESCOITAR A TÚA VOZ

Xesús, desexo escoitar a túa voz: 

a voz que chamou a Pedro, a Santiago e a Xoán; 

a voz que escoitaron as xentes de Galilea, 

a voz próxima e amiga 

aos pecadores de sempre, 

aos pobres de toda a vida, 

e aos tirados nas cunetas da vida. 

A voz que os cativou, os levantou do chan 

e lles deu unha esperanza para vivir e morrer. 

Xesús, desexo escoitar a túa voz: 

na vida da xente sinxela que te leva no corazón, 

nos que, coma ti, fan oír a súa voz a favor dos pobres, 

nos que, na sombra e no silencio, traballan pola paz, 

nos que buscan un sentido e non perden a esperanza, 

nos que perdoan, malia todo, 

nos que, sen pregoar a súa fe, aman e se dan, sen máis.

                                  

Equipo Eucaristía evd