O Año será o seu pastor e levaraos ás fontes de auga - Ap 7, 9. 14b-17

Domingo 4 de Pascua - ciclo C

CHAMADOS A SER UN

Grazas por me quereres, Pai,

con ese cariño tan fondo teu.

Graciñas porque me coñeces sen reservas

e sen reservas me amas tamén.

Grazas porque non te asustas de min,

nin de toda a escuridade en que moitas veces me agacho.

Graciñas porque te fías de min

e me chamas para colaborar contigo.

Grazas porque me regalas cada mañá

co regalo incomparable da túa voz.

Graciñas porque me fas capaz de escoitarte

e de seguirte aínda que sexa a tropezóns.

Grazas porque me dás vida

e porque llela dás tamén ós máis pobres.

Graciñas porque apostas pala vida dos pobres,

cando ninguén aposta por eles.

Grazas porque me chamas a colaborar contigo

na tarefa marabillosa da fraternidade.

Graciñas por te quereres facer un comigo

para que eu me faga un contigo e un cos pobres.

Graciñas por tanto cariño teu, Pai.