Os Evanxeos e os evanxelistas
Como setembro é o mes da Biblia (inda que xa pasou, a maioría acabamos de comezar a catequese), penso que o mellor é comezar cos nenos polo que mellor coñecen, a vida de Xesús, e algo sobre os que nos transmitiron as lembranzas e vivenzas de Xesús e os seus primeiros apóstolos, os evanxelistas:
No primeiro
século, os cristiáns viron a necesidade de ter a súa propia literatura escrita,
onde se preservasen de maneira máis fiel e permanente as tradicións recibidas
en forma oral. O ano exacto en que se redactou cada un dos evanxeos é difícil
de precisar. Foi probablemente no século II cando nas copias dos evanxeos
fíxose común porlles os títulos cos nomes dos evanxelistas. Os autores
cristiáns desa época mostran que foi entón cando se difundiu a tradición acerca
dos nomes dos autores. Os evanxeos, como toda obra literaria, tiveron
indubidablemente os seus autores, con todo, pertencen a un tipo de literatura
na que, máis que a actividade creadora e orixinal dun autor, conta a
utilización de tradicións conservadas nunha ou varias comunidades.
Evanxeo segundo
san Mateo: Atribúese a
Mateo, o apóstolo de Xesús que fora recadador de impostos. Ese evanxeo, en
moitas das súas expresións e temas preferidos, mostra unha especial proximidade
ao pensamento hebreo. Tanto o autor como os seus primeiros lectores foron, sen
dúbida, persoas familiarizadas co Antigo Testamento e con moitas das tradicións
xudías.
Evanxeo
segundo san Marcos: É o
máis antigo. A este autor identifícallo co personaxe do mesmo nome que se
menciona en Ftos 12, 12 e que aparece mencionado nas cartas de Paulo. A
tradición di que este evanxeo foi escrito en roma, despois da morte de Pedro e
Paulo, e que os lectores a quen se destinou en primeiro lugar este evanxeo eran
cristiáns non xudeus, posiblemente romanos.
Evanxeo
segundo san Lucas: Forma
unha unidade literaria e teolóxica co libro dos Feitos dos Apóstolos, por iso
afírmase que o autor é o mesmo. Sen dúbida o autor deste evanxeo era de lingua
grega, e o evanxeo parece estar destinado sobre todo a lectores cristiáns de
orixe non xudía. Atribúello a Lucas, compañeiro de san Paulo, ao que se lle
chama “o médico amado”.
Evanxeo
segundo san Xoán: Este
evanxeo menciona en varios lugares a un discípulo a quen Xesús quería moito,
pero en ningures di o seu nome. Desde o século II este discípulo foi identificado
co apóstolo Xoán, fillo de Zebedeo, ao que se lle atribúe a autoría deste
evanxeo.
É opinión
xeralmente aceptada que o evanxeo de Xoán foi redactado despois dos outros tres
evanxeos, a fins do século I. Pode pensarse que este evanxeo representa o resultado
dunha longa reflexión e transmisión da mensaxe de salvación en comunidades que
tiveron que soster duros enfrontamentos con grupos xudeus.
FONTE DEBUXOS: http://dibujosparacatequesis.blogspot.com.es/
Os animais que
representan ao catro evanxelistas teñen a súa orixe en distintos textos
bíblicos como Ezequiel e a Apocalipse, pero tamén na interpretación que deles
fixeron os pais da Igrexa.
Mateo está representado polo home por iniciar o seu Evanxeo coa xeneaología de
Cristo.
Marcos está representado co león porque comeza o seu Evanxeo mencionando a San Xoán
Bautista como a voz que clama ou roxe no deserto.
Lucas está representado co touro porque inicia o seu Evanxeo co servizo de
Zacarías no templo, e o touro é un animal de sacrificio.
Xoán está representado pola aguia por ser un Evanxeo que mostra unha teoloxía
superior ás demais.
DEBUXOS E TEXTO ADAPTADOS DE :
Comentarios
Publicar un comentario