Non houbo quen volvera dar gloria a Deus senón este xentil - Lc 17, 11-14

Domingo 28 Ordinario - ciclo C

ONDE ESTÁN OS OUTROS NOVE

Cómpre que sexas agradecido.

Na comunidade

hai que ser agradecido.

Hai que agradecerlle

ao día a súa luz

e á noite as súas sombras.

Hai que agradecerlle

ao sol a súa calor

e á choiva a súa lentura.

Hai que agradecerlle

aos vellos as súas historias

e aos novos os seus soños.

Hai que agradecerlle

ao da casa a súa fidelidade

e ao de fóra o seu servizo.

Hai que agradecerlle

ao san a súa sanidade

e ao enfermo a súa resistencia.

Hai que agradecerlle

ao ledo o seu sorriso

e ao triste as súas bágoas.

Hai que agradecerlle

ao que protesta os seus berros

e ao que loita os seus esforzos.

Hai que agradecerlle

á xente o seu esforzo

e a Deus a súa graza.