Oración de Tódolos Santos

ACCIÓN DE GRAZAS POLOS SANTOS

Deus, noso Pai,

como nos sentimos contentos

ao nos poder presentar diante de ti

arroupados por tanta xente boa, santa!

Dámosche grazas por todos os santos,

dámosche grazas por toda a xente de boa vontade,

dámosche grazas polo anaco de bondade

que todos levamos dentro de nós.

Que o seu ímpeto nos invada a todos,

que a súa sinxeleza nos envolva,

que a súa transparencia nos ilumine,

que o seu servizo nos potencie,

que a súa xustiza nos cure de todo abuso.

Eles son o mellor testemuño

da túa presenza no medio de nós;

con eles ó noso lado

seremos capaces de andar día a día

polos camiños bos que levan á vida,

polos camiños que liberan os pobos e as persoas.

Cos santos todos

queremos ser tamén nós santos

para gloria túa

e para ben e felicidade da xente.