Gárdame, Señor, que en Ti busco agarimo - Salmo 15

Domingo 33 de ordinario - ciclo B

CANDO REVERDECEN AS PONLAS

E, que queres, Señor?

Eu non podo poñerlles remedio,

eu non mando nin rexo;

os que levan o mundo

non oen as queixas que eu digo.

E, que queres, Señor?

Eu ben sei que che estragan o mundo

que a diario o enchen de lixos,

que o rebentan por dentro e por fóra

ao compás de soberbios caprichos.

E, que queres, Señor?

dunha pedra pasouse a unha espada,

dunha espada a un revólver seguro,

dun revólver a un canón dos corenta,

e agora mísiles nucleares ameazan o mundo.

E, que,queres, Señor?

Violencia, violencia e violencia:

ninguén quere a paz como guía,

violencia coa lingua, e cos feitos,

violencia do pobre e do rico,

violencia de noite e de día.

E, que queres, Señor?

Plantarei a carón da miña casa

a planta da paz cada mañá;

cada mañá botareime ao camiño

que leve á terra da paz e do pan.