Ofrecede os vosos corpos como oblación vivente - Rm 12, 1-2

Domingo 22 do Tpo. Ordinario - ciclo A

GANANCIAS E PERDAS

Nos libros de contas

engadimos ao «haber» e restamos no «deber».

Nos libros de contas da vida

buscamos as ganancias e fuximos das perdas.

Gañamos cando sumamos, colleitamos e almacenamos.

Perdemos cando restamos, baleiramos e regalamos.

Estas son as túas contas, Señor Xesús?

Este é o camiño do discipulado?

Estes son os números do evanxeo?

Ensínanos a comprender que te manexas con outros criterios;

que cando nos entregamos máis recibimos.

Cando somos xenerosos, máis colleitamos.

Cando perdoamos, máis abrazamos.

Cando reconciliamos, máis construímos.

Cando nos esquecemos de nós, máis e mellor gañamos.

Señor Xesús, afasta de nós

a tentación de seguir outros engados,

que afagan e seducen, pero que,

á vez, máis nos ocultan o teu Reino.

                                

   EVD