A plenitude da lei é o amor - Rm 13, 8-10

Domingo 23 de Ordinario - ciclo A

SENTIMOS, SEÑOR, 

A TÚA PRESENZA  

Sentimos, Señor, a túa presenza,

cálida, amigable, resucitada.

Grazas por quedar connosco.

Sen ti, que baleiro na nosa vida!

Mírasnos con amor inmerecido,

un amor que nos limpa e nos recrea.

Acende o noso corazón coa túa palabra.

Ensínanos a partir o pan,

a compartir o que temos, o que somos.

Ninguén sexa excluído da nosa mesa.

Ensínanos a vivir na común-unión,

Ti, o primeiro enfermo de fraternidade,

Ti, que abres os brazos totalmente

para acollernos a todos,

Ti, que te fas comestible, faste pan,

para alimentarnos co teu mesmo Espírito.

Queremos estar sempre contigo,

recoñecerte no camiño,

en cada irmán que sae ao noso encontro,

en cada pobre e desvalido,

en cada ancián e enfermo,

en cada inmigrante e esmoleiro,

en cada vítima do odio, do terror,

do egoísmo humano.

Fainos, Señor, Eucaristía,

signos do teu amor e da túa entrega,

testemuñas de amizade e comuñón,

na nosa sociedade, no noso barrio.

Grazas, Señor, pola túa presenza!

E queda sempre connosco!

EVD