A miña vida é Cristo - Flp 1, 20c-24. 27a

Domingo 25 do Tpo. Ordinario - ciclo A

Á TÚA MANEIRA

Saíches, Señor, na madrugada da historia 

a buscar obreiros para a túa viña. 

E deixaches a praza baleira -sen paro-, 

ofrecendo a todos traballo e vida

 –salario. dignidade e xustiza-.

Saíches a media mañá, 

saíches a mediodía e a primeira hora da tarde 

volviches recorrela enteira.

Saíches por fin, cando o sol declinaba, 

e aos que ninguén contratara 

leváchelos todos á túa viña, 

porque se che revolveron as entrañas 

vendo tanto traballo na túa facenda, 

vendo tantos parados que querían traballo 

–salario, dignidade e xustiza- 

e estaban condenados todo o día a non facer nada.

Á noitiña cumpriches a túa palabra. 

A todos lles deches salario digno e xusto, 

segundo o corazón e as necesidades te ditaban.

Quen menos o esperaban foron 

os primeiros en ver as súas mans cheas.

E, aínda que algúns refungaron, 

non cambiaches de política evanxélica.

Señor, sé, coma sempre, xusto e xeneroso, 

compasivo e rico en misericordia, 

inimigo de prexuízos e clases, 

e espléndido nos teus dons.

Grazas por darme traballo  e vida, 

dignidade e xustiza á túa maneira … non á miña. 

Ulibarri, Fl.