30 jun. 2013

Ti es, Señor, a miña herdade - Salmo 15

Domingo 13 de Ordinario - ciclo C


O NIÑO DOS SEGUIDORES

Cantas veces
a noite se nos ten feito día
nas túas mans
cheíñas de estrelas,
meu amigo!
Cantas veces!
Cantas!

Cantas veces
o inverno se nos ten feito primavera
no teu corpo
sementado de roseiras,
meu amigo!
Cantas veces!
Cantas!

Cantas veces
a tristura se nos ten feito alegría
nos teus bicos
apertados de fidelidade,
meu amigo!
Cantas veces!
Cantas!

Cantas veces
a derrota se nos ten feito valentía
nas túas palabras
repletas de soños,
meu amigo!
Cantas veces!
Cantas!


Cantas veces
a pobreza se nos ten feito abundancia
nos teus brazos
abertos ata o infinito,
meu amigo!
Cantas veces!
Cantas! 

No hay comentarios:

Publicar un comentario