Perdoáronselle moitos pecados porque amou moito - Lc 7,36 - 8,3

Domingo 11 de ordinario - ciclo C

EU SEI QUE ME QUERES

Eu sei que me queres, Señor, porque es bo,

porque é eterna a túa misericordia.

E sei que te quero, a pesar de todo.

Porque confío na túa misericordia.

Que alegría poder chamarte Pai

e saber que me queres coma a un fillo.

Hoxe veño pedirte polos meus irmáns.

Por todos os seres humanos.

Quixer que entre todos construísemos

unha verdadeira familia humana.

Que se acabasen as guerras e as incomprensións.

Que se eliminasen as discriminacións e as desigualdades.

Que todos, a unha, traballásemos cóbado con cóbado,

para construír un mundo distinto,

que fose xa a antesala do paraíso,

un mundo feliz, como o que ti creaches,

como o que todos dicimos desexar.