Rapaz, contigo falo: Érguete !

Domingo 10 de Ordinario - ciclo C



LOITA CON XESÚS, 
LOITA POLA VIDA

Para seguir a Xesús
e avanzar no seu camiño,
hai que chegar a imitar
as cousas todas que fixo.

Atopou a nai doída
pola morte do seu fillo;
con ela quixo doerse,
con ela viuse aflixido.

Non chores, dixo, non chores,
e, ao tempo que tal dicía,
facendo forza da dar,
devolveulle ao neno a vida.

Visitou Deus o seu pobo,
dixo a xente abraiada;
se da morte sae vida,
o Señor pretiño anda.

Se camiñas pola vida
co corazón ben esperto,
descubrirás alegrías,
atoparás sufrimentos.

Cómpre ter palabras boas
para aliviar sentimentos;
cómpre ter unión e forza
para darl1e ao mal vencemento.

Podemos facer milagres
coma os que Xesús fixera;
podemos cambiar en vida
a morte que nos rodea.

Pregunta ti no teu grupo,
na túa parroquia enteira,
pregunta en toda Galicia
que morte é a que nos queima.

Que non te enganen con contos,
que non che pechen os ollas:
observa ti e descobre
quen pon da morte os ferrollos.

Pregúntate igual a ti,
non sexa que inconsciente,
leves no teu corazón
da morte algunha semente.

E fai que en todos os homes
a vida triúnfe de todo,
que todos poidan dicir:
Visitou Deus o seu pobo.



Comentarios

Publicacións populares