Bendito o que vén no nome do Señor - Lc 19, 28-40

Domingo de Ramos - ciclo C

OS CAMIÑOS DA SALVACIÓN

Xesús vai contigo,

contigo fai a viaxe

Ao longo do mar da vida

a traveso do monte polo que camiña.

Non teñas medo,

goza coa tranquilidade da súa compaña.

Xesús vai contigo,

levas un bo guieiro,

coñecedor das vías do mar

e dos carreiros do monte.

Podes camiñar seguro.

Xesús vai contigo,

renovando o teu alento,   

empuxando a túa canseira,  

chamándote ó camiño    

cando tordeas na noite,

erguéndote

cando as ondas arrastran o teu corpo.

Xesús vai contigo,

pero iso non che evita

que sangren os teus pés,

que molles o teu corpo,

que naufragues algún día.

Xesús vai contigo,

pero ti loita, súa, traballa,

busca, pregunta, camiña,

solidarízate, colle a cruz

e morre, se fai falla.

Así son os camiños      

da salvación de Deus.