O Señor é clemente e misericordioso - Salmo 102

Domingo 3 de Coresma - ciclo C

NON CHE PIDO GRANDEZA

Señor, non che pido brillo, nin triunfo,

nin fama nin gloria nin poder.

Fai que acolla, no limitado de cada día,

a túa brisa, a túa graza, a túa palabra, a túa vontade

como un agasallo espléndido para poder vivir.

Abre os meus ollos, e faime sensible ás necesidade

dos irmáns e irmás que camiñan ao meu carón

cansos, esgotados, tristes, enfermos, rotos.

Non me deixes caer na tentación de quedar ben,

de buscar a eficacia, de xustificar as miñas actitudes,

de acugular méritos enganosos para Ti.

Guía os meus pasos polos teus vieiros,

aínda que me resista.

Gáñame a partida, non fagas caso ás miñas protestas.,

Dáme o que necesito, aínda que non cho pida.