Quedaron cheos do Espírito Santo e puxéronse a falar - Feit 2, 1-11

Domingo de Pentecoste - ciclo C

RECIBIDE O ESPÍRITO SANTO

Xesús, ti dásme o teu Espírito

e eu quero recibilo tamén.

Quero que me penetre ben fondo

ata o lugar onde aniñan e xorden todas

as miñas palabras, pensamentos e decisións.

Quero o teu Espírito, Xesús,

para gobernar en xustiza e verdade

toda esta miña vida pequena.

Quero o teu Espírito, Xesús,

para afrontar a vida familiar

coa miña comunidade parroquial

ou familiar: coa miña muller,

ou co meu home, e cos meus fillos.

Quero o teu Espírito, Xesús,

para ser fiel no traballo,

sen falcatruadas, nin trampas, nin abusos.

Quero o teu Espírito, Xesús,

para dedicar con ilusión parte do meu tempo,

das miñas ansias, dos meus cartos

en servizo dos demais, da comunidade.

Quero o teu Espírito, Xesús,

para andar pola vida sempre

con paz e con alegría,

con decisión e con limpeza,

e con moita solidariedade.

Quero o teu Espírito, Xesús,

para sentir o agarimo de Deus moi dentro de min

e podelo compartir cos demais

en formas de amor responsable e real.

Ti dáme o teu Espírito, Xesús,

e canto desexo eu verme asolagado nel!