A todos nos bautizaron nun único Espírito, para formarmos un único corpo - 1 Cor 12, 3b-7. 12-13

Domingo de Pentecoste - ciclo C

COIDA DA COMUNIDADE

Na comunidade, na veciñanza, na Igrexa,

mima os teus irmáns.

Que non saian da túa boca nin do teu corazón

palabras acedas

Se tes que corrixir,

corrixe.

Se tes que denunciar,

denuncia.

Se tes que mostrar o teu desacordo,

mostra o teu desacordo

diante de quen cho produce.

Pero que a sombra da

aldraxe e da amargura

non quiten vigor e curación.

á túa palabra de irmán.

Vela o teu corazón día e noite,

mira os teus irmáns e veciños;

que non haxa en ti nada

que lles roube a paz e a ilusión e a alegría...

Fai deste esforzo diario de  fraternidade

o acto principal do teu culto cristián a Deus.

Non ouses facer comuñón con Deus

se o teu corazón está enfrontado

co do teu irmán por culpa túa.

Ama e coida a túa comunidade,

a túa veciñanza, a túa Igrexa.